Мэдээ мэдээлэл

Барилгын салбарын чиг хандлага, дотоод мэдээ, үйл ажиллагааны шинэчлэл.

2026.04.10

ҮНДЭСНИЙ ҮЙЛДВЭРЛЭГЧИД – ХӨГЖЛИЙН ТҮНШЛЭЛ” ӨДӨРЛӨГ АМЖИЛТТАЙ БОЛЛОО.

ҮНДЭСНИЙ ҮЙЛДВЭРЛЭГЧИД – ХӨГЖЛИЙН ТҮНШЛЭЛ” ӨДӨРЛӨГ АМЖИЛТТАЙ БОЛЛОО Сэлбэ дэд төвийн бүтээн байгуулалтад бараа материал нийлүүлэх сонирхолтой аж ахуйн нэгжүүдийг төслийн гүйцэтгэгч нарт танилцуулж, мэдээллээр хангах зорилготой “Үндэсний үйлдвэрлэгчид – Хөгжлийн түншлэл” нээлттэй өдөрлөг өнөөдөр (2026.04.08) Нийслэлийн Жижиг, дунд үйлдвэр, үйлчилгээг дэмжих төв НӨҮГ-т амжилттай зохион байгуулагдлаа. Монголын барилгын материал үйлдвэрлэгчдийн холбооноос санаачлан зохион байгуулсан энэхүү үйл ажиллагаанд 80 гаруй дотоодын үйлдвэрлэгч, нийлүүлэгч аж ахуйн нэгжүүд оролцож, төслийн гүйцэтгэгч нарт бүтээгдэхүүнээ танилцууллаа. Сэлбэ хотын бүтээн байгуулалтад төслийн ерөнхий гүйцэтгэгч долоон байгууллага болон ГИШС-ний хоёр компани 150 орчим туслан гүйцэтгэгчтэйгээр оролцож байна. 🔸Сэлбэ 20 минутын хот төслийн гүйцэтгэгч нар гэрээний дагуу нийт бараа, материалынхаа 35, тоног төхөөрөмжийн 40-өөс доошгүй хувийг дотоодын зах зээлээс авах үүрэг хүлээсэн байдаг. 🔸Цемент, арматур, бетон зуурмаг, тоосго, лифт зэрэг үндсэн 13 нэр төрлийн материалыг дотоодын үйлдвэрлэгчдээс худалдан авахыг мөн гэрээний хавсралтад тусгасан. Төсөл хэрэгжүүлэгчдийн зүгээс нийлүүлэлтэд тавигдах чанар, стандартын шаардлагуудын талаар үйлдвэрлэгчдэд өдөрлөгийн үеэр нэгдсэн мэдээлэл өгч, баримт бичгийн бүрдэлд (сорилтын тайлан, тохирлын гэрчилгээ) анхаарахыг санууллаа.

Үзсэн: 0Дэлгэрэнгүй

2026.04.02

"ҮНДЭСНИЙ ҮЙЛДВЭРЛЭГЧИД – ХӨГЖЛИЙН ТҮНШЛЭЛ" ӨДӨРЛӨГТ УРЬЖ БАЙНА

"ҮНДЭСНИЙ ҮЙЛДВЭРЛЭГЧИД – ХӨГЖЛИЙН ТҮНШЛЭЛ" ӨДӨРЛӨГТ УРЬЖ БАЙНА "Сэлбэ 20 минутын хот" төслийн гүйцэтгэгч нар нийт материалынхаа 35-40%-ийг дотоодын үйлдвэрлэгчдээс авах гэрээний үүрэгтэй. Та бүхнийг энэхүү бодит боломжийг ашиглан гүйцэтгэгч нартай шууд холбогдохыг урьж байна. 🤝 ӨДӨРЛӨГӨӨР: * Нийлүүлэлтийн шаардлага, стандартын мэдээлэл авах. Гүйцэтгэгч байгууллагуудтай B2B уулзалт хийх. Бүтээгдэхүүний дээж, каталогио танилцуулах. 📅 Хэзээ: 2026.04.08 | 10:00–16:00 цаг 📍 Хаана: Чингэлтэй дүүрэг, 18-р хороо, Нийслэлийн ЖДҮҮ-г дэмжих төв. 📝 Бүртгэл: https://forms.gle/AEUrzQiwYDJzNXXP7 ⚠️ САНАМЖ: Бүтээгдэхүүний техник тодорхойлолт, сорилтын тайлан, тохирлын гэрчилгээгээ бэлтгэж ирнэ үү. Монголын барилгын материал үйлдвэрлэгчдийн холбоо ТББ Холбоо барих: 99015759, 99143658, 99156327 #МБМҮХ #СэлбэХот #ҮндэснийҮйлдвэрлэл #LocalContent

Үзсэн: 0Дэлгэрэнгүй

2026.03.05

"БАРИЛГЫН МАТЕРИАЛ, БҮТЭЭГДЭХҮҮНИЙ АЮУЛГҮЙ БАЙДЛЫН ТЕХНИКИЙН ЗОХИЦУУЛАЛТ" батлагдлаа.

https://legalinfo.mn/mn/detail?lawId=17435348098402

Үзсэн: 0Дэлгэрэнгүй

2026.03.04

Сонгон шалгаруулалт

МОНГОЛ УЛСЫН ЖИЖИГ, ДУНД ҮЙЛДВЭРЛЭЛИЙН ХҮЛЭМЖИЙН ХИЙГ БУУРУУЛАХ ТЕХНОЛОГИЙН ОНОШИЛГООНЫ ЗӨВЛӨХ ҮЙЛЧИЛГЭЭНД ОРОЛЦОХ БАЙГУУЛЛАГЫГ СОНГОН ШАЛГАРУУЛАХ

Үзсэн: 0Дэлгэрэнгүй

2026.03.02

СЭЛБЭ ХОТ ТӨСӨЛ БА ҮНДЭСНИЙ ҮЙЛДВЭРЛЭГЧИД

СЭЛБЭ ХОТ ТӨСӨЛ БА ҮНДЭСНИЙ ҮЙЛДВЭРЛЭГЧИД 🇲🇳 Монголын барилгын салбарын импортын хамаарлыг бууруулах бодлогыг бид баримталж, үндэсний бүтээн байгуулагч, үйлдвэрлэгчдээ дэмжиж байна. Монголын барилгын материал үйлдвэрлэгчдийн холбоо нь Сэлбэ хот төслийн инженерүүд хамтран үйлдвэртэй танилцах аялал хийлээ. Төслийн туслан гүйцэтгэгч нарт тавигдсан материалын 35%, тоног төхөөрөмжийн 40%-ийг дотоодоос авах юм.

Үзсэн: 0Дэлгэрэнгүй

2026.01.29

Монголын Барилгын материал үйлдвэрлэгчдийн холбоо салбарын үйлдвэрлэгчдийг төлөөлж Үйлдвэрлэл технологийн паркийн үйл ажиллагаа, дэд бүтцийн бүтээн байгуулалттай танилцаж, кластераар хөгжүүлэх асуудлаар харилцан туршлага солилцлоо.

Энэхүү ажлын уулзалт нь барилгын материалын үйлдвэрлэлийг кластераар хөгжүүлэх, дэд бүтцийн шийдлүүдийг оновчтой болгох, мөн үйлдвэрлэгчдэд тулгарч буй асуудлыг технологийн паркийн боломжуудыг ашиглан шийдвэрлэхэд чиглэгдсэн юм. Хэлэлцсэн гол асуудлууд Дэд бүтэц ба логистик: Үйлдвэрүүдийг эрчим хүч, дулаан, цэвэрлэх байгууламж, авто замын нэгдсэн сүлжээнд холбох шийдлүүд Кластерын хөгжил: Ижил төрлийн үйлдвэрүүд нэг дор төвлөрснөөр түүхий эдийн татан авалт, үйл ажиллагааны зардлыг бууруулах боломж Инноваци ба технологи: Барилгын материалын салбарт нэвтэрч буй шинэ технологийг паркийн орчинд турших, нутагшуулах нөхцөл Уулзалтын үеэр “Барилгын материалын дотоодын үйлдвэрлэл эрчимтэй хөгжиж буй энэ үед үйлдвэрлэл технологийн паркууд нь зардлыг бууруулж, өрсөлдөх чадварыг нэмэгдүүлэх гол хөшүүрэг болж байна” хэмээн онцоллоо. УУЛЗАЛТЫН ҮР ДҮН Уулзалтын төгсгөлд талууд цаашид хамтран ажиллах “Санамж бичиг”-ийн хүрээнд дараах чиглэлүүдээр ажлыг эрчимжүүлэхээр тохиролцов. Үүнд: Паркийн нутаг дэвсгэрт шинээр үйлдвэр байгуулах сонирхолтой аж ахуйн нэгжүүдийг дэмжих Түүхий эдийн чанар, стандартыг олон улсын түвшинд хүргэх лаборатори байгуулах боломжийг судлах Төр, хувийн хэвшлийн түншлэлийг бэхжүүлж, хөрөнгө оруулалтыг татах Энэхүү үйл ажиллагаа нь Монгол Улсын барилгын материалын хэрэгцээг дотоодоос бүрэн хангах, импортыг орлох, экспортын чиг баримжаатай үйлдвэрлэлийг хөгжүүлэхэд чухал ач холбогдолтой алхам боллоо.

Үзсэн: 0Дэлгэрэнгүй

2026.01.16

Дагалдан ажиллаж хөдөлмөрт шилжих нь хөтөлбөр

НҮБ, Хөгжлийн хөтөлбөр, Гэр бүл, Хөдөлмөр нийгмийн хамгааллын яам, Хөдөлмөр Халамж үйлчилгээний газрын дэмжлэгтэйгээр МБМҮХолбоо, Барилгын матeриал үйлдвэрлэгч компани, ажил олгогчдын төлөөлөл оролцсон "Дагалдан ажиллах хөдөлмөрт шилжих нь" хөтөлбөрийн хүрээнд Дадлагажуулагч "мeнтор" -ын сургалт эхэллээ.

Үзсэн: 0Дэлгэрэнгүй

2026.01.16

МОНГОЛ УЛСАД БАРИЛГЫН САЛБАР ҮҮСЭЖ ХӨГЖСӨНИЙ 100 ЖИЛИЙН ОЙН “ЛОГО” БҮТЭЭХ УРАЛДААН

Барилгын салбарын 100 жилийн ой тохиож буйтай холбогдуулан түүх, үнэ цэн, хөгжлийн үзэл санааг илэрхийлсэн орчин үеийн дизайн бүхий лого бүтээх зорилгоор уралдаан зарлаж байна. Иймд дизайнер, салбарын мэргэжилтэн, иргэд та бүхнийг оролцохыг урьж байна. https://mcud.gov.mn/a/1700

Үзсэн: 0Дэлгэрэнгүй

2025.12.15

МОНГОЛ УЛСЫН БАРИЛГЫН МАТЕРИАЛЫН ҮЙЛДВЭРИЙН ТЭРГҮҮНИЙ АЖИЛТАН ЦОЛ, ТЭМДЭГ ГАРДУУЛЛАА.

ЭДТ ХХК, бетон зуурмагын үйлдвэрийн хамт олон түүхт 20 жилийн ойгоо тэмдэглэж байгаа билээ. Барилгын материал үйлдвэрлэлийн салбарт үнэтэй хувь нэмэр оруулж, ажил үйлсээрээ манлайлсан, шилдэг ажиллагсадыг Монгол улсын барилгын материалын үйлдвэрийн тэргүүний ажилтан цол, тэмдэгээр шагналаа. Шагналыг МБМҮХолбооны Гүйцэтгэх захирал Г.Цэрмаа гардууллаа.

Үзсэн: 0Дэлгэрэнгүй

2025.12.10

"Олон талт оролцогчдын пратформ" -ыг хэрэгжүүлэх арга зам хэлэлцүүлэг

Барилгын Материал Үйлдвэрлэгчдийн Холбооны гишүүн байгууллагууддаа зориулан ГБХНХЯ, ХХҮЕГ, НҮБ-ын хөгжлийн хөтөлбөртэй хамтран "Олон талт оролцогчдын пратформ"-ыг хэрэгжүүлэх арга зам хэлэлцүүлэг зохион байгууллаа. Олон талт оролцогчдын платформ гэдэг нь төр, хувийн хэвшил, иргэний нийгэм, эрдэм шинжилгээний байгууллага, орон нутгийн иргэд зэрэг олон талт оролцогчид нэгдэж, нийтлэг зорилгын төлөө хамтран ажиллах зохион байгуулалттай орон зай юм. Энэ нь нээлттэй харилцаа, хамтын шийдвэр гаргалт, уялдаа холбоотой үйл ажиллагааг дэмжих зорилготой юм.

Үзсэн: 0Дэлгэрэнгүй

2025.12.08

Монгол Улсад барилгын материал үйлдвэрлэлийн бүтээгдэхүүний баталгаажуулалтын (техникийн тохирлын үнэлгээ / тохирлын гэрчилгээ) чиглэлээр итгэмжлэгдсэн үйл ажиллагаа явуулдаг 3-н байгууллага байдаг.

Стандартчилал, техникийн зохицуулалт, тохирлын үнэлгээний итгэмжлэлийн эрх зүйн үндсийг тогтоож, бүтээгдэхүүн, үйлдвэрлэл, үйлчилгээ, менежментийн тогтолцооны чанар, аюулгүй байдлыг хангах, хэрэглэгч, үйлдвэрлэгчийн эрх ашгийг хамгаалахтай холбогдсон харилцааг СТАНДАРТЧИЛАЛ, ТЕХНИКИЙН ЗОХИЦУУЛАЛТ, ТОХИРЛЫН ҮНЭЛГЭЭНИЙ ИТГЭМЖЛЭЛИЙН ТУХАЙ хуулиар зохицуулдаг. Энэхүү хуулийн дагуу Монгол Улсад барилгын материал үйлдвэрлэлийн бүтээгдэхүүний баталгаажуулалтын (техникийн тохирлын үнэлгээ / тохирлын гэрчилгээ) чиглэлээр итгэмжлэгдсэн үйл ажиллагаа явуулдаг 3-н байгууллага байдаг. Үүнд: 1. Барилгын хөгжлийн төв (БХТ) 2. Барилга Архитектур Корпораци ХХК (БАК) 3. Барилгын хөгжлийн үндэсний нэгдсэн төв (БХҮНТ) юм.

Үзсэн: 0Дэлгэрэнгүй

2025.12.08

Монполимет Группийн Монцемент Билдинг Материалс ХХК Asia Corporate Excellence & Sustainability Awards (ACES)-ын “Азийн аж үйлдвэржилтийн манлайлагч” шагналыг хүртлээ.

Монполимет Групп нь үйл ажиллагаа явуулсан 33 жилийн хугацаанд олон сорилтыг туулсаар ирсэн ч тогтвортой хөгжлийн зорилтыг хангах чиглэлд тэр дундаа Монголдоо байгаль орчинд ээлтэй технологийг хүнд аж үйлдвэржилтийн салбарт нэвтрүүлсэн анхдагч нь байж, хичээнгүйлэн ажиллаж, өнөөдрийг хүртэл тавьсан зорилт, зорилтуудаа биелүүлсээр өнөөдрийг хүрсэн билээ. ACES Awards нь 2014 оноос эхлэн Ази тивийн тогтвортой өсөлт, инноваци, удирдлагын шилдэг туршлагыг дэмжих зорилгоор зохион байгуулагдаж жил бүр өрсөлдөөн нь ширүүсэж буй нэр хүндтэй олон улсын шагнал юм. Энэ жилийн шагнал гардуулах ёслол 11-р сарын 28-нд Индонезийн Бали аралд болж, бүс нутгийн 800 гаруй удирдагч, компаниуд өрсөлдсөнөөс Монцемент салбартаа тэргүүлэн тодорлоо.

Үзсэн: 0Дэлгэрэнгүй

2025.12.05

Барилгын салбарт ажиллагсдад зориулсан хүний эрхийн сургагч багш бэлтгэх сургалт амжилттай боллоо.б

Хариуцлагатай бизнес ба хүний эрх: Хүний эрхийн магадлан шинжилгээ сэдвийн доор барилгын салбарын ажиллагсдын дунд сургагч багш бэлтгэх сургалт амжилттай боллоо. Цаашид барилгын салбарт ажиллаж буй нийт ажиллагсдын эрх үүрэгтэй холбоотой асуудлыг магадлан шинжлэх, орчин нөхцлийг сайжруулах чиглэлээр олон талт ажил хийх юм.

Үзсэн: 0Дэлгэрэнгүй

2025.12.02

БЕТОНЫ ТОГТВОРТОЙ ХӨГЖИЛ” – Эрдэм шинжилгээний XXII бага хурал амжилттай зохион байгуулагдлаа

Монголын бетоны холбоо ТББ-аас“БЕТОНЫ ТОГТВОРТОЙ ХӨГЖИЛ” – Эрдэм шинжилгээний XXII бага хурал амжилттай зохион байгууллаа. Энэхүү эрдэм шинжилгээний бага хуралд Барилгын материал үйлдвэрлэл болон инженерийн салбарын эрдэмтэн, судлаачид, инженерүүд оролцож эрдэм шинжилгээний илтгэлүүд тавьж, “Бетон зуурмагийн чанар, стандарт” сэдвийн хүрээнд хэлэлцүүлэг өрнүүллээ.

Үзсэн: 0Дэлгэрэнгүй